NASAko satelite batek makrokamera batekin jarraitu nau
etxetik irten naizenean,
baina ez da nire bizitza interesatzen zaiena.
Gehienok ez dakigu ezer gauza horietaz.
Egun bat iritsiko da eta bonba artifizial bat eroriko zaigu unibertsoko lekuren batetik
eta inork ez du ezer ulertuko.
Nor izan den,
zergatik hil gaituen.
Herrialde eta gobernurik gabe geratuko da mundua,
Estatu Batuak eta Txina desagertuko dira,
eta koltxoien gainean sufritzen duten amama guztiak,
familia zoriontsu, kutsadura, emigrazio, eta suizidiorik gabe bukatuko da
bukaera.
Hori
edo
Lurra esplotatuegi dagoenean
Martera eskapatuko dira Elon Musk eta bere bikotea,
beste zibilizazio bat sortuko dute han.
Adan eta Eva izango dira, sagarretik jango dute eta abar.
Hemen utziko gaituzte, gauden moduan.
Psikosi kolektiboak janda,
offline mundua ulertzeko esfortzurik egin gabe,
zirkoetan zirkoena maite dugulako.
Orain zerura begiratu eta Artizarra arraro dago.
Venus da Artizarra.
Eta zer pentsatu behar nuke hari begira?
Orain pantailara begiratu eta desoreka irakurri du nigan interneteko sistemak,
sareko informazioa ordenatu dit animatzeko asmoz.
Hitzik gabeko abesti anbiguo baina interesgarri bat jarri dit,
azpian, aspalditik erosteko dudetan nabilen sandalia batzuen iragarkia,
eta like eta like.
Gora bizitza berriro ere.
Benignik ere Youtubeko bideo editatu batean esan zuen:
"vedrete che esce fuori, c'è la felicità!"
Gora bizitza berriro ere!
like-like!
Azken ekarpenak 
Zer da uberan.eus web orriko Komunitatea?
uberan.eus web orrian euren sormen lanak partekatu nahi dituzten kideek osatuko dute Komunitatea.
uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.
Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.
Zeintzuk dira Komunitateko kideak?
Zer egin Komunitateko kide bihurtu eta edukia gehitzeko?
Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.
Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.
Hortik aurrera, zure sormen lanak uberan.eus-era lotzeko aukera izango duzu.
Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.
