Leire Palaciosek Iñigo Astiz elkarrizketatu du Joemak eta polasak (Elkar, 2019) liburuaren harira.
Erika Olaizolak iritzi artikulua idatzi du, egunotako itxialdiak sortutako sentsazioei tiraka: "Gu geu gara, beldurretik beti ere, besteari arauak behin eta berriz errepikatzen gabiltzanak eta “zaindu”, “kontuz” eta “ ez irten kalera” bezalako hitzak behin eta berriz esaten ari garenak.
Martxoan Loraldian estreinatzekoak ziren Zaharkitze programatua ikuskizuna, literatura, musika eta bertsoa uztartuta.
Abian da Etxepare Saria, haurrei zuzenduriko album ilustratuak saritzen dituen lehiaketa.
Antonio Casado da Rochak hirugarren iritzi artikulua publikatu du "Sinadurak" atalean: "Balkoi literatura", bizi ditugun egunetarako poesia ekintza gogoan.
Garbiñe Ubeda, EIEko lehendakariak, artikulu mamitsua publikatu du Berrian: Kultur arloaren autonomia.
Bolada luze bat zeraman Idoia Santamariak itzulpen literariorik argitaratu gabe, baina, denbora gutxian, bi obra ekarri ditu euskarara, biak ere Literatura Unibertsala bildumaren barruan: 2018an, Epailea eta haren borreroa eleberria itzuli zuen, Friedrich Dürrenmatt egile suitzarrarena, eta iaz, berriz, Ingeborg Bachmann austriarraren Aldibereko ipuin-liburuaren itzulpena kaleratu zuen.
Iazko Durangoko azokako kartela egin zuen margolaria, Zaldi Urdina antzezlanarekin Euskal Herria zeharkatzen ari den aktorea, "Iruinkokoa" Hiri Buruzagiko libertimenduaren kokoetako bat...Astroak berez lerrokatzen direla dirudienean, beti dago astroak lerrokatu daitezen gogotik lan egiten duen norbait: Oier Zuñiga (Iruñea, 1986).
2016an, Beheko Larraine konpainia sortu zuen Miren Tirapu Goikoetxea antzezleak, eta, harrezkero, bi antzezlan taularatu ditu: Atte hil aurretik eta Manifestu bat.
Silvia Manzana idazleak eta Naiara Palacios ilustratzaileak Orbanak, burbuilak eta kremazko bonbak liburu objektua plazaratu dute, autoedizioaren bidetik.
Asteazkenean eman genizuen Zirriborroak eta gero proiektuaren berri. Gaur, berriz, Iban Zalduarekin izandako elkarrizketa ekarri dizuegu, egitasmo horren baitan argitaratu berri baitu Bisita bat Arma Museora izeneko fabula, Gorka Olmoren ilustrazioekin.
uberan.eus web orrian euren sormen lanak partekatu nahi dituzten kideek osatuko dute Komunitatea. uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai. Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.
Beñat Sarasolarekin Deklaratzekorik ez (Susa, 2019) mintzagai izango dute, online egingo duten saioan. Dinamizatzailea: Yurre Ugarte.
Puskatu ezin duen iraganaren zamarekin bizi da Beñat Sarasolaren lehenengo nobelako protagonista. Ez baita erraza iragana ahaztu nahi baina utzi ezin duenaren bizimodua. Militante politiko inplikatua izana gaztetan, inplikazio horren kontrakarrean bizi nahi du orain, 90etako mundu gatazkatsu harekiko destaina azalduz.
Udal liburutegian lan egiten du, lagun arteko giroa gordetzen du azaletik bada ere, gaitzak erasandako aitaren zaintzaz arduratu behar du, harreman afektibo korapilatuak ditu —bere bikoteak Madrilen egingo duen masterrak distantzia fisikoa dakarkio bestela ere arrakalatua dagoen harremanari—, eta gutxienik espero duenean atzera bere iraganera ainguratuko duen elementu apurtzailea izango da Poliziaren agerpena.
Ertz oso garratzeko protagonista dakarkigu Sarasolak Deklaratzekorik ez eleberrian, bere buruarekin eta inguruarekin bakean bizitzea lortzen ez duen pertsonaiaren bitartez egungo gizartearen erretratu bat eskainiz.
Zerrenda osoa ikusi
Berrogeialdia hasi aurretik hainbat liburu iritsi zitzaizkigun plazara. Batzuk eskuratu ahal izan ditugu garaiz, besteek berrogeialdia pasa arte itxaron beharko dute.
Pasa den irailean argitaratu zen Ingeborg Bachmann idazle austriarraren Aldibereko (Erein eta Igela, 2019) ipuin-liburua, Literatura Unibertsala bildumaren barruan. Idoia Santamariak ekarri du euskarara.
Sheila Heti-k (Kanada, 1976) 2010ean plazaratu zuen “amu” honetara ekarri dizuegun nobela: How Should a Person Be?
Antonio Skarmetak idatzitako liburuan oinarrituta, Nerudaren postaria antzezlana taularatu zuen Maskarada taldeak 1997an, Patxo Telleriaren itzulpenarekin. Booktegik berreskuratu du testu hura, “Drama” atalean publikatu duen liburu elektronikoan. (Argazkia: Il Postino filmako irudia).
Gure atarian gogoko dugu hango eta hemengo literaturgileen amuak ekartzea irakurleari. Udazken honetan hala egin dugu, eta, urtea indarrez hasteko, albiste honetan bildu dizkizuegu gure gutiziak.
Durango ez da bakarrizketara fikzioaren habia, badira, orobat, fikziotik urrundu eta saiakera, kronika eta hausnarketa jorratzen duten hamaika liburu. Hona gure gida.
Durangoko Azokaren aurretik ugaritzen dira liburu-aurkezpenak eta ez da beti erraza nobedadeen gurpilari zorabiatu gabe jarraitzea. Horregatik, Azokarako gidak osatuko ditugu datozen egunetan, generoka.
Udazkeneko rentréearekin batera, hainbat itzulpen argitaratu dira azken asteotan. Amu honetan errepasatu ditugu Katakrak argitaletxearen lau argitalpenak (Illouz, Ehrenreich&English, Kapu?ci?ski eta Balestrini), Literatura Unibertsala bildumako ale berriak (Thiongo eta Bachmann), Jokin Zaitegi sariketari buruzkoak eta Anjel Lertxundik euskal itzulpengintzaz egindako gogoetak.
Itzulpengintza jarduera feminizatua omen da; baina azken urteotan argitaratu diren euskararako itzulpenak aztertuta, lautik hiru gizonezkoek sinatuak direla ikusiko dugu.
Idazleen lana amaituta eta ia ebatzita iristen da geure eskuetara eta bidean izan dituzten trabak ikusezinak izan litezke irakurleontzat. Trabak izan, badituzte, baina.
