Erreportajeak

Antzerki liburuen bide berriak

Ostirala, 2019-10-11

Aurten bi antzerki bilduma berri etorri zaizkigu plazara: batetik, Maiatz argitaletxeak martxan jarri duen Garazin Antzerki bilduma; bestetik, oraintxe harpidetzak biltzen dabilen Ganbila antzerki bilduma, Susa argitaletxea eta EHAZE-Antzerkizale elkartearen eskutik. (Irudian: Ganbila bildumako nobedadeak).

Nola omendu Binyavanga Wainaina

Ostirala, 2019-09-13

Pasa den maiatzean hil zen Binyavanga Wainaina idazle kenyarra. “Nola idatzi Afrikari buruz” artikuluari esker lortu zuen ospea. Bizi zela, hainbat testu labur eta liburu bat publikatu zuen, eta Kenyako literatur aldizkari bat hauspotzen aritu zen. Honako honen bidez omenaldi bat eskaini nahi diogu eta aurrez euskarara ekarri gabeko haren testu bat zabaldu.

2018-2019 ikasturteko erreportajeak

Astelehena, 2019-07-29

Albiste honetan bildu ditugu 2018-2019 ikasturtean Hitzen Uberan atarian argitaratu ditugun erreportajeak. Urtarrilean, Uberan ataria utzi zuen Imanol Ubeda erredaktoreak, bertan zazpi urtez aritu ostean. Haren ordez, Danele Sarriugarte hasi zen lanean, lehenago ere erredakzioan hiru urtez ibilia.

Cristina Morales: literatura eta politika gauza bera diren lekua

Ostirala, 2019-07-05

Cristina Morales idazle granadarrak sona handia bildu du azken hilabeteotan, Lectura fácil eleberria tarteko. Liburu horri esker eskuratu zuen Anagrama argitaletxeak ematen duen Herralde sari ezaguna. Pasa den astean Donostian izan zen, EHUko udako ikastaro batean –Literatura Mutanteak–, eta aitzakia aprobetxatu dugu Moralesen obrari buruzko zenbait gako aipatzeko. On egin!

Bide konpartitutik, bide berrietarantz

Ostirala, 2019-06-21

Peru Iparragirre Albisu (1996) eta Jon Gurrutxaga Urbieta (1996). ITU Bandako kideak. Taldearen parte izan arren ez dute taldearen izenean hitz egiteko zilegitasunik sentitzen. Bizitzaren zirkustantziek markatutako hasieraz, bilakaeraz eta egungo egoeraz jardun dute zintzoki, galderei taldea ezaugarritu duen espontaneotasunez erantzun nahian.

Rachel Cusk: Nola islatu esperientzia pertsonala subjektibotasunetik abiatu gabe

Ostirala, 2019-06-14

Azkenaldian bolo-bolo dabil auto-fikzioaren gaia hango eta hemengo literatur sistematan. Izendapen hori jarri zaio, baina, sakonean, bada auzi zabalago bat: nola uztartzen diren “irudimena” eta “errealitatea” literaturan; zer toki duen batak eta zein besteak. Auzi horren harira proposamen literario interesgarri bat egin du Rachel Cusk idazleak, Outline trilogiaren bidez. Hari buruzko zertzelada batzuk aletu ditugu erreportaje honetan. Irudia: The New Yorker aldizkaria.