Komunitatea

Lizar Begoņa

Pentsamenduaren aurrekoa

Osteguna, 2020-07-02 | Lizar Begoņa

 

Hau da hasiera. Nire hitzak ez dira lerro honen aurretik existitzen. Hau da dagoena. Ez bilatu, ez saiatu hitz multzo honen mugetatik irtetzen. Erantzuna ez dago hemendik kanpo; ez dago erantzunik. Ez nazazue hitzetan bilatu; ez nago. Hau ez da mistikoa, ez da erlijiosoa, ez arrazionala. Hemen dituzu hitzak, nire hitzak ez dira lerro honen ostean existitzen. Hau da amaiera.

 

sitsek.blogspot.com

 

Geruzak bailira

Astelehena, 2020-06-29 | Lizar Begoņa

 

Zentrurik      gabeko

guztiaren      ondotik

pasatzen       garenoi

ez zaigu        agertzen

isiltasun       errealik

 

pentsatu       daiteke

lekurik          badela

benetan        izateko

denbora        luzez

 

gainezka       gauden

meseta          honetan

ez dago         airerik

argiak           baino

 

galdera        erantzun

guztien        ardura

handiak       txikiak

izutzen         gaituzte

 

irudien        geruzak

kipulak        balira

bezala          tolesten

direnen  [...] Gehiago irakurri

Zelebratorioa

Astelehena, 2020-04-20 | Lizar Begoņa

 

nik ere nahi dut Oteizak duen arrazoia Itziar

idazteko kausa bat da idatzi garaiz

mendera egokitu ehun urte berrien hasieran

hau ez da aitzakia excusa bat da

atentzioa etengabe deitzeko arrazoia Itziarrik ez dut

 

umanoak ez gara irten hilabete honetan

planetak akuario bat dirudi hilabete honetan

 

ez dut idazteko beldurrik izurik

baina ez nazazu harrapatu hide and seek

abstraktoa dela diozu ez duzula [...] Gehiago irakurri

Jakintsua izan

Asteartea, 2020-03-24 | Lizar Begoņa

 

Arbola baten gaineko zahar jakintsu bat izan nahi dut

eta zuri istoriak kontatu

 

edo arbola baten moduan kontatu nahi dizkizut

jakintsuen istoria zaharrak

 

edo izan nahi dut arbola-jakintsu zaharra

istoriak zure gainean kontatzeko

 

edo nahi dut zure istoria zahar bateko arbola gainekoa

eta jakintsua izan.

 

https://sitsek.blogspot.com/

 

Eskatu ez dudana

Ostirala, 2020-03-20 | Lizar Begoņa

Ez dizuet eskatu testurik

ez kantarik

ez inperatiborik,

ez negarrik

ez gerrarik

ez errurik,

 

Ez dizuet eskatu iraganik

ez albisterik

ez azalpenik,

ez radarrik

ez aukerarik

ez neurririk.

 

Baina

testu

kanta

inperatibo

 

negar

gerra

erru

 

iragan

albiste

azalpen

 

radar

aukera

neurriekin

inbaditzen nauzue.

 

Eskatu dizuedana baino gehiago,

ikusi nahi dudana baino gehiago,

entzun nahi dudana baino gehiago,

sentitu nahi dudana baino gehiago,

sinestu nahi dudana baino gehiago,

desiatu nahi dudana baino gehiago,

aukeratu nahi dudana baino gehiago.

 

Askoz gehiagorekin zatozte,

eta ez dut behar,

ez dut nahi.

 

https://sitsek.blogspot.com/

Partzelak

Astelehena, 2020-02-03 | Lizar Begoņa

Partzela barruko partzelak eta horien barrukoetan,

norbere selfie erraldoiaren aurrean,

ahalik eta isolatuen zahartzeko plan honek funtzionatzen du.

 

Treneko izu epidemikoa ume bati erakutsi, tristeziaz hiltzen ikusiko duzu.

Baina biziraungo dio, helduen munduko ume guztien antzera,

eta moldatuko da, denen antzera, herri esaten genion partzela multzoan.

 

Ulertzen hasia naiz jabegorik ez duen izaki batez maitemintzea ez dela funtzioa,

eta funtziorik ez duen oro ez dela tresna zentzuzkoa,

pantailarik onena argiz eta kolorez betetakoa dela.

 

Distantzia sentitzen ez duen europear bat,

distantzia are gutxiago sentitzen duen estatuar batekin ezkondu da.

kokapenik gabe [...] Gehiago irakurri

Holmes

Ostirala, 2020-01-03 | Lizar Begoņa

 

ni naiz Holmes

metafora mitikoa

 

alde berekoa naiz

detektibe hutsa

 

izan bi eme zis

zis eme bi izan

 

eme eta emeak

edo ar eta arrak

 

gauza bera dira

pribatutik kanpo

 

marrak erpinak

non nago hirukian

 

piramide bat da

behetik gorakoa

 

ni Holmes naiz

detektibe beltza

 

noiz itzuliko zara

marran nago zain

 

erpinetatik beste bi

hiru marren punta

 

pertsona organiko

natural izan zaitez

 

galdera da nolakoa

nolakoa da naizena

 

erraza da bestaldea

biktimena da hau

 

oheratu gaitezen

gero dispertsatu

 

Holmes naiz ni

galdutako Holmes

 

 

Artxipielagoaren negatiboan

Igandea, 2019-10-20 | Lizar Begoņa

 

Ez dakit zenbat bide luzatu ditudan paralelotan marratuta,

izan nahi nukeen guztiaren saiakera plural eta nobatoen sinbolo gisa.

 

Gure garaia etorkizunean esplikatzeko erabiliko diren sinonimo guztietako bat besterik ez naiz.

Norbait izateko konplexu historikoz xahutzen ditut denborak,

areago galduz XX. mendetik beherako kontzentrazioa.

 

Eten, eta ezeri atentzio konstanterik eskaini gabe, trantsizioan bizi dut denbora,

irlen arteko hutsuneetan, esan badaiteke.

 

Irla behatz puntaz ikutu, eta ezagutu ezik, ondorengo uharte baterako distantzian bizi.

artxipielagoaren negatiboan, alegia.

 

Herrietatik hirietarako garraiobide publikoetan belaunaldi oso baten jarrera exiliatua soma dezaket,

ezlekuetan "izatea" beste erremediorik ez [...] Gehiago irakurri

Les reines

Asteartea, 2019-08-27 | Lizar Begoņa

 

El meu rei

és callat

especial

se li enrogeixen els ulls

quan arribo

 

la meva reina

és dolįa

especial

la que millor estima

 

i si volen

i si es cansen

que descansin les reines

 

jo les tinc cura.

 

sitsek.blogspot.com

 

Zer da Komunitatea? Nola izena eman?

Zer da uberan.eus web orriko Komunitatea?

uberan.eus web orrian euren sormen lanak partekatu nahi dituzten kideek osatuko dute Komunitatea.

uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.

Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.

Zeintzuk dira Komunitateko kideak?

  • Norbanakoak. Norbanakoak dira izen-abizena duten erabiltzaileak. Komunitatea atalean, sormen lanak gehitzeko aukera izango dute. Hitzak eta irudiak baliatuko ahal izango dituzte horretarako.
  • Kolektibo literarioak, elkarteak. Komunitatea atalean, sormen lanak gehitzeko aukera izango dute. Hitzak eta irudiak baliatuko ahal izango dituzte horretarako.

Zer egin Komunitateko kide bihurtu eta edukia gehitzeko?

Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.

Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.

Hortik aurrera, zure sormen lanak uberan.eus-era lotzeko aukera izango duzu.

Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.