Hau lotsa!
Hori da adarra jotzea!
Haiek dira komeriak!
Goizean goiz jotzen ez duen esnagailu asaldagarria.
Bizkarretik behera jausten ez den dutxako tanta beroa.
Ezpainak kizkaltzen ez dituen kikarako kafe beroa.
Kalera irtetear zaudela inon topatzen ez dituzun giltzak.
Bai nagia gizona!
Bai larru fina!
Bai buru arina!
Lantokira txerriak hiltegira bezala ez doazen morroiak.
Neguko egun hotzetan jelatzen ez diren espaloi irristagarriak.
Semaforo gorriaren aurrean irribarre egiten ez duten betargien logura.
Goizetan nora jo ez duten langabetu, erretiratu edota erien loezina.
Zein ezkorra!
Zein alperra zaren!
Zein gizon gogaikarria!
Bibliako madarikazioari muzin egin ez zioten ameslari bipilak.
Nola edo hala Fatamorgana ez diren askogura artistiko guztiak.
Errealitatearen kontra oldartuta amildu ez ziren airezko gazteluak
Euren arima debruari saldu ez zioten Oteizaren ondorengoen ahoberokeria.
Bai astuna gizona!
Bai artista kargantea!
Bai harena ahoberokeria!
Bidean hainbat gaizki-ulerturen erruz galdu ez ditugun lagun zintzoak.
Saldu egin ez gintuzten ahaide eta behin-behineko lagun guztiak.
Ezustean ateak itxi ez zizkiguten berbontzi arraiak.
Gu ezagutzeke gorrotatzen ez gintuzten bat-bateko etsaiak.
Zein ederra den askatasuna!
Zein itsusia den inguratzen nauen oro!
Zeinen ederki jipoitzen dudan nire burua!
Urteak pasa ahala abandonatu ez gaituzten senide eta adiskideak.
Nekeak eta desengainuak deuseztatu ez zuten burdinazko borondatea.
Ohean etzanda ez usteltzeko egunero jaikiarazten nauten amets eta irri berriak.
Haizeak, etengabe gogor joagatik, eraman ezin duen umore on eta maiz ere gaiztoa.
Hau lotsa!
Hori da adarra jotzea!
Haiek dira komeriak!
Txema Arinas
Uvieun, 2019/11/29
Azken ekarpenakZer da uberan.eus web orriko Komunitatea?
uberan.eus web orrian euren sormen lanak partekatu nahi dituzten kideek osatuko dute Komunitatea.
uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.
Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.
Zeintzuk dira Komunitateko kideak?
Zer egin Komunitateko kide bihurtu eta edukia gehitzeko?
Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.
Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.
Hortik aurrera, zure sormen lanak uberan.eus-era lotzeko aukera izango duzu.
Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.
