Sinadurak

Irailaren 25etik 27ra, hitza izango da giltza

Astelehena, 2020-09-14

"Atea" izango du gaia, "Hitza da giltza" leloa. Literaturia literaturaren jaialdia irailean izango da aurten, Zarautzen, 25etik 27ra. Ohiko moduan egitarau anitza osatu dute, liburua eta literatura euskarri anitzetan plazaratzeko: liburu-azoka, solasaldi, antzerki, kontzertu... Guztiekin helburu bakarra, euskal literaturari jendartearen atea zabaltzea. Aurten bizi dugun egoera ez ohikoa dela eta, Ahotsenearen egitarauari lotuta barruan egingo dituzte azken liburu nobedadeen aurkezpenak.

Jose Angel Irigarayk “Isiltasunaz hunatago” poesia liburua plazaratu du

Osteguna, 2020-09-10

Jose Angel Irigaray-k Isiltasunaz hunatago: Hitzendatzearen mentura izeneko poesia liburua plazaratu du. Hamabost urtean publikatu duen lehen liburua da, isiltasuna hautsiz isiltasuna mintzo, atzera begira baina poesiaren bilaketa etengabean iltzaturik, lerro artean doazen bulkadak aztergai. Antonella Gandini artista eta lagunak egin ditu liburuko irudiak.

Hil honetan amaituko da Agustin Zubikarai sarira lanak aurkezteko epea

Astelehena, 2020-09-07

Urtero legez, Ondarroako Udalak eta Elkar argitaletxeak Agustin Zubikarai saria antolatu dute, euskal kultura aberasteko eta idazleen lana bultzatzeko asmoz. Aurten, gainera, hogeigarren edizioa dute. Sari honek nobelak sortzeko beka gisa funtzionatuko du: interesa dutenek hilaren 30era arte aurkez dezakete beren proposamenak. Jarraian bildu ditugu sariaren oinarriak.