Sotoan gordeak izeneko eleberria kaleratu du Miren Gorrotxategik, Txalaparta argitaletxearen eskutik eta (H)ilbeltza bekaren babesarekin. Familia barruko sekretuak eta gatazkak aztertu ditu, detektiberik gabeko nobela beltz honetan.
Olivia Sudjic idazlearen Exposure liburuko pasarte batzuk ekarri dizkizuegu oraingoan Amuak atalera.
Abian da Etxepare Saria, haurrei zuzenduriko album ilustratuak saritzen dituen lehiaketa. Nafarroako hainbat udalek antolatzen dute, Pamiela argitaletxearen laguntzarekin. Lanak maiatzaren 7ra bitarte aurkez daitezke, eta albiste honetan bildu ditugu lehiaketaren oinarriak.
Udalbiltzak "Geuretik sortuak" artistetzako beka jarri du martxan. Bertan, nobela laburrak, antzezlanen ekoizpenak eta film laburren sorkuntza babestuko dute. Otsailaren 5a bitarte aurkez daitezke proiektuak.
Tene Mujika beka irabazita, Naparraren desagerketari buruzko liburua kaleratu zuen Jon Alonsok iaz, Elkar argitaletxearen eskutik: Naparra, kasu irekia. Bihar, Katakrak liburu-dendan aurkeztuko du, Mikel Soto lagun duela.
Urtarrilaren 14an bederatzi urte beteko dira Jose Luis Alvarez Enparantza "Txillardegi"ren heriotzetik. Egun horretan bertan, 19:00etan Donostiako Victoria Eugenia Clubean, "Bioi" emanaldia eskainiko dute, Gabriel Arestiren eta Joxe Azurmendiren belaunaldi literarioari omenaldia.
Azken sinadurak