Asisko Urmenetari elkarrizketa Irakurrieranen
Ostirala, 2021-03-26Asisko Urmeneta elkarrizketatu du Garazi Albizuak Irakurrieran saioan, Sugarren mende komikiaren harira. (Argazkia: Berria).
Jarraian entzun dezakezue saioa osorik:
Sinopsia:
Duela 410 urte burutu zen Logroñoko autodafea, zeinean erre egin baitzuten hainbat euskaldun, sorgintzat akusaturik. Hura ez zen, ordea, bakarra izan: mende batean barrena Inkisizioak segada ikaragarriak egin baitzituen Nafarroan, Erronkaribarretik Amezkoaraino, milaka herritar ehizatuz. Bordeleko Tribunalak, aldi berean, sutan ezarri zuen Lapurdi guztia, sekta satanikoaren aitzakian. Zerk eraman zituen jurista eta teologo ilustratu haiek aitorraraztera gure arbasoei sorginak zirela?
“Inquisitores contra tales procedere et non est omitedum circa istas sorguinas illud quod quaedam fceleratae mulieres retro post Sathanas converse daemonum illusionibus…”
“Repertorium Inquisitorum”, 1494.
“Con haber muchas personas ancianas en las Cinco Villas y otros lugares, ninguna sabia qué cosa era ser brujo, ni qué cosa era aquelarre”
Antonio Venegas de Figueroa, Iruñeko apezpikua, 1611.
Sugarren mende liburuan mendetako isiltasuna urratu dugu, mitologia zahar eta berria baztertu, ikerketa historikoaren bidez.
“Ez da behar bezainbeste ikertu Inkisizioaren izate politikoa eta poliziala”
Natalia Silva Prada, Mexikoko Unibertsitatea.