Agenda

Patxi Iturregiren "Ur biren artean" liburuaz solasean

Xehetasunak
Noiz: urtarrilak 12, 19:30etan
Non: Donostia, Udal Liburutegiko Sotoa (San Jeronimo kalea)
Harremanetarako
Irakurle taldea: Donostia (liburutegia)

Patxi Iturregiren

Patxi Iturregiren Ur biren artean (Elkar, 2019) liburua mintzagai izango dute. Saioaren gidaria: Ińigo Aranbarri.

Sinopsia:

Orain dela 100 urte, 1914 eta 1919 bitartean, munduak ordura arte ezagututako gerrarik gogorrena bizi izan zuen, gerora Lehen Mundu Gerra deituko zitzaiona, Europako lurralde gehienak ez ezik ozeano guztiak ere hartu zituena. Bilboko itsasontziak, bandera neutrala dutenez, ez daude ofizialki gerran, baina gatazka orokorrak ondorio nabarmenak ditu hirian, ontzioletan, barkuetan… Potentzia lehiakideek lehengaiak behar dituzte eta ondo ordaintzeko gertu daude, baita hornigai horiek etsaiarengana iristea eragozteko prest ere.

Giro nabar eta nahasi hori fikzio bihurtu du Patxi Iturregik dozena bat ipuinetan: alde bateko eta besteko espioiak, portuko eta ontzioletako langileak, kontrabando ilegalean dabiltzan merkantzia-ontziak, saltzaileen larriak, langabetuen estutasunak, jauntxoen dibertimenduak… Hiriaren eta itsasadar osoaren taupada biziak jasotzen ditu Iturregik, teknika, gai eta erregistroen ugaritasuna eta kontagintzarako trebezia erakusten duten istorioetan.